கோடிராம கிருஷ்ணா இயக்கத்தில் “மீண்டும் அம்மன்”

கோடிராம கிருஷ்ணா இயக்கத்தில் “மீண்டும் அம்மன்”

பதினெட்டு வருடங்களுக்கு முன்பு தமிழ், தெலுங்கு மற்றும் கேரளா, கர்நாடகாவில் வெளியாகி மாபெரும் வெற்றி பெற்ற பக்திப் படம் – அம்மன். அத்திரைப்படத்தை இயக்கிய கோடிராம கிருஷ்ணா அடுத்து இயக்கி இருக்கும் படம் “மீண்டும் அம்மன்”.

இந்தப் படத்தில் அம்மன் வேடத்தில் பானுப்ரியா நடிக்கிறார். கதாநாயகனாக ரிச்சர்ட் நடிக்கிறார். கதாநாயகியாக குட்டி ராதிகா நடிக்கிறார். மற்றும் நாகமணி, ஜெய்வாணி, கோலிசோடா வில்லன் மது ஆகியோர் நடிக்கிறார்கள்.

தனது பக்தையையும்,அவளது குடும்பத்தையும் காக்க அம்மன் அரணாக இருக்கிறார். அம்மனின் அரனை மீறி அந்த குடும்பத்தை எப்படியாவது அழித்தேத் தீருவது என்று போராடும் தீயசக்திக்கும் இடையே நடக்கும் போராட்டமே “மீண்டும்அம்மன்” படத்தின் கதை. கிராபிக்ஸ் கலக்கலாக பிரமாண்டமாக இப்படம் உருவாகியுள்ளது.

கிருஷ்ணா இசையமைக்க, வெங்கட் ஒளிப்பதிவு செய்கிறார். வசனம் எழுதி தமிழ் உருவாக்கம் பொறுப்பேற்றிருப்பவர் ARK.ராஜராஜா. இவர் தமிழாக்க பொறுப்பேற்று இது வரை 200 படங்களுக்கு மேல் வெளியாகி இருக்கிறது. எஸ்.சுந்தரலட்சுமி வழங்க சிவம் அசோசியேட்ஸ் பட நிறுவனம் இந்த படத்தை தயாரிக்கிறது.